以下是Sky Sir 友好：棋亮撰文
今日是6月結公司出業績的最後一日，如果仲出唔到業績，聽日就會停牌，記得睇吓手上持股出咗業績未，手上就仲有基建股未出，預計今日會出埋。
琴日中國再限手遊，限小童每周只可玩三個小時，美國ADR先跌後已有買盤吸納，因早前已反映相關因素，這次沽壓已不大。另一方面，教育雙減政策，已限制學童唔準上學科外教。即係現時學童放學後，打機有限，補習又唔得，躺平都唔得，咁可以做乜呢？都有機會催生新嘅需求。
昨天北水繼續沽。睇返8月中公布的法治政府建設實施綱要，提出未來五年，對10個部份，35個要點，加強立法監管，依半個月真係做到足，多個行業都有新規，推進「互聯網+監管」。另外高房價及醫療開支大未出重拳，起碼未謝，隨時會再打，但咁打落去，中國經濟唔知仲頂唔頂到。
棋亮執筆
Search